ئێوارەی ئەمڕۆ بە ئامادەبونی دکتۆر هادی عەلی سەرۆکی ئەنجومەنی سیاسی یەکگرتوی ئیسلامیی وحەسەن شێخ عەبدوڵا ئەندامی سەرکردایەتی و لێپرسراوی مەڵبەندی 5ی هەڵەبەی یەکگرتوو لە مەراسیمێکدا خەڵاتی ڕێز لێنانی بەخشیە 57 خاوەن بڕوانامەی ماستەر لەسنوری پارێزگای هەڵەبجەدا .
عەبدوڵا حمەسەعید، کارگێری خوێندنی باڵای ناوەند ڕایگەیاند :مەبەست لەمەراسیمەکە نرخاندنی هەوڵ و ماندو بونی ئەو بەڕێزانەیە کەسەرکەوتوانە توانیویانە بڕوانەمەی ماستەر لە ئاستە جیاوازەکاندا بەدەست بهێنن ، کە ژمارەیان 57 خوشک و برایە .
دکتۆر هادی عەلی سەرۆکی ئەنجومەنی سیاسی یەکگرتوو کەلە مەراسیمەکەدا ئامادەبوو لە لێدوانێکیدا ڕایگەیاند : سازکردنی ئاوا مەراسیمێک بۆ هەڵگرانی بڕوانامەی ماستەر هەنگاوێکی زۆر ناوازەیە ،کۆمه‌ڵگەی ئێمە ئەمڕۆ زۆر پێویستی بەخاوەن بڕوانامەی دڵسۆز هەیە ،وڵات چاوی لەئێوەیە هەرچەندە هەلی زۆر لەبەردەستە بۆ گەشەکردنی زیاتر .
ڕاشیگەیاند :ئەتوانین لە ڕێگەی زانستەوە خزمەتی زۆر بکەین و خۆمان فەرز بکەین و جێگەی خۆمان لەناودڵی خەڵکدا بکەینەوە ، هوادارم ئێوە بەئەوەندە کۆڵ نەدەن و بەردەوام بن .