بۆ پێكەوە كار كردن لە ئاست شاری هەولێر هەر سێ مەڵبەندی لایەنە ئیسلامیەكانی كوردستان پانێڵێكی هاوبەشیان ساز كرد بۆ تاوتوێ كردنی كاری پێكەوە لە داهاتوودا .
لە سەر بانگهێشتی مەڵبەندی دووی هەولێری یەكگرتووی ئیسلامی كوردستان هەر یەك لە مەڵبەندی دووی كۆمەڵی ئیسلامی و مەڵبەندی سێی هەولێری بزووتنەوەی ئیسلامی لە كوردستان رۆژی سێ شەممە كاتژمێر 4 ئیوارە پانێڵێكیان بۆ پێكەوە هەنگاونان بەرەو كاری هاوبەشی ئیسلامییەكانیان ساز كرد .
سەرەتای پانێڵێكە لە لایەن بەرێز( سەرباز موحەممەد ) بەرپرسی مەڵبەندی سێی بزووتنەوە ،بابەتێكی پێشكەشكرد لەسەر بەڵگە شەرعیەكانی پێكەوە بوون لە ئیسلامدا و ئاماژەی بە چەندین ئایەت و فەرمودەی پێغەمبەر (د.خ) كرد بۆ ئەوەی موسلمانان پێكەوە كار بكەن .
دواتر بەرێز (ئیسماعیل رەسول)بهرپرسی مهڵبندی ههولێری كۆمهڵ، ئاماژە بە دەرفەت و لەمپەرەكان كرد بۆ ئەوەی لە رێگای كاری پێكەوە هەیە و پێویست بە لابردنی دەكات . ئەوەی خشتەروو، ئەم دەرفتانە گرنگە بەقۆزینەوە بۆ كاری كردنی هاوبەشی ئیسلامیەكان .
پاشان لە بەشی سێیەمی وتارەكان ،بەرێز (فەرهاد یاسین ) بەرپرسی مەڵبەندی دووی هەولێری یەكگرتوو ئاماژە بە دەسكەوت و بەرهەمەكانی كاری هاوبەشی ئیسلامییەكان كرد لە میانەی وتەكانی ئەوەشی خستەروو، كاری هاوبەشی ئیسلامیەكان دەسكەوتەكانی زۆرن و گرنگترین بەدی هێنانی خواستی ئایینی ئیسلامە .
پانێڵێكە زیاتر لە دوو كاتژمێری خایاند و مەڵبەندی دووی هەولێریش ئێوارە خوانێكی بۆ ئامادەبوان ساز كرد.
بریارە ئەم كۆبوونەوە لە ئاست مەڵبەندەكانی شاری هەولێری لایەنە ئیسلامییەكان بەردەوام بێت و لێژنەی هاوبەش بۆ كاری راگەیاندن و خوشكان و چەند بەشێكی تر دروست بكرێت .
شیاوی ئاماژە بۆ كردنە ،پانێڵێكە جیگای خۆشحاڵی ئامادەبووان و داوای بەردەوامی كادیر و كارگیرانی هەر سێ لایەنەكەیە .