کورەکێ شەھید مەلا شەفیق کێستەیی پەرتووکەکێ ل سەر ژیانا بابێ خۆ بەلاڤ دکەت و پێشکێشی کاروانیێن رێبازا بابێ خۆ دکەت و ئاماژە پێدکەت ئەڤ کتێبە رەنجا سال و نیڤا یە.
ب ھەلکەفتا (٦-٢) رۆژا ئاشکەراکرنا یەکگرتووی ئیسلامی کوردستان ب ئامادەبوونا ( سەعید عەلی عەبۆ) سەرۆکێ ئەنجومەنێ سەرکردایەتیا یەکگرتوو و (غازی سەعید) سەرۆکێ ئەنجومەنێ بانگەوازیێ و و (نسرەددین سەعید) کارگێرێ ئەنجومەنێ سیاسی و (د. محمەد مستەفا)بەرپرسێ مەلبەندێ سێ یێ یەکگرتوو و (م. جاسم محمەد) بەرپرسێ مەلبەندێ سێزدە یێ یەکگرتوو و ب ئامادەبوونا ھژمارەیەکا زۆر ژ بەرپرسێن بلندێن یەکگرتوو چالاکیا ئیمزاکرنا پەرتوکا شەھیدێ نەمر یا (مەلا شەفیق کێستەی) ھاتە سازکرن، کو ئەڤ کتێبە ھاتیە نڤیسین ژ لایێ پارێزەر (مسعود مەلا شەفیق) کو تێدا ب درێژاھی بەحسێ ژیان و ساخلەت و سەرھاتێن شەھید (مەلا شەفیقی) دکەت ژ لایێ خۆ ڤە بەرھەڤبوویان ژی دەستخوشیەکا مەزن ل بەرھەڤکەری کرن و رولێ مالباتا شەھید مەلا شەفیقی بلند نرخاند و مالباتا شەھیدی ژی سوز و پەیمانێن خۆ ژ بۆ رێیا کاروانێ یەکگرتوو نویکرنەڤە سوزدا تا نەمانێ ل سەر رێیا بابێ خۆ بەردەوامبن.
د داخویانیەکێ دا بۆ کوردیو نڤیسەرێ کتێبا (مێرخاسێ نەمر مەلا شەفیق کێستەیی) پارێزەر (مەسعود مەلا شەفیق گوت (ئەڤ پەرتووکە رەنجا پتر ژ سال و نیڤایە و دوو ماموستایان سەرپەرشتی لێکریە ژ لایێ بابەتی و زڤانیڤە و پەرتووک ژ چەندین تەوەران پێک دھێت ھەر ژ قوناغێن ژیانا شەھیدی و ژیانا وی یا شورەشگێری و خزمەتێن وی کرین ل گوندێ کێستە و ھەتا گەھشتنا وی بۆ کاروانێ یەکگرتوو و خەباتا وی د ناڤ ڤی کاروانێ پیرۆز دا و ھەتا شەھید بووی و گەھشتیە خودایێ خۆ) کێستەیی دیارکر ژی پەرتووک ٢٠٠ لاپەرە و ل دوماھیێ ئەلبوومەکا وێنا ھاتیە بەلاڤکرن کو دەربرینێ ژ وێ ژیانێ دکەت. ئاماژە ژی پێکر ئەڤرو ل ٨ ـ ٢ ئەڤ پەرتووکە پێشکێشی کاروانیێن رێبازا بابێ خۆ دکەت.
ھەژی گوتنێ یە ل رۆژا (٦-١٢-٢٠٠٥) شەھید مەلا شەفیق کێستەی ب دەستێن رەش و ب نەحەقی ل بارەگەھێ مەلبەندێ ١٣یێ یەکگرتوو ل زاخو ھاتبوو شەھید کرن.