دهوک - ئیبراهیم دێرگژنیکی
بهەلکەفتا ٢٣ سالیا ئاشکەراکرنا یەکگرتوو مەلبەندێ ٣ یێ یەکگرتوو پێشوازی ل شاندێن ئالیێن سیاسی و تەخێن جڤاکی کر و هەمی ئالیێن سیاسی ل سەر خوارنا نیڤرو کوم کرن و بەرپرسێ مەلبەندی ژی ئاماژە پێکر مەرەم ژ ڤێ کومکرنێ ئەوە پتر لێکنێزیکبوون چێببیت و ڤان قەیرانا دەرباز بکەین.
د. محمد مستەفا ئەندامێ سەرکردایەتیا یەکگرتوو، بەرپرسێ مەلبەندێ سێ یێ یەکگرتووی ئیسلامی کوردستان، بھەلکەفتا ٢٣ سالیا ئاشکەراکرنا یەکگرتووی ئیسلامی کوردستان جوانترین پیروزباھیان ئاراستەی ئەمیندارێ گشتی و سەرکردایەتیا یەکگرتوو و ھەمی ئەندام و لایەنگرێن یەکگرتوو دکەین، ئەڤرو ب ڤێ ھەلکەفتێ مە پێشوازی ل ھەمی شاند و ئالیێن سیاسی و تەخێن جڤاکی کر و بۆ خوارنا نیڤرو ژی ھەمی ئالیێن سیاسی دگەل پارێزگارێ دھوکێ مێڤانێن مە بوون و پێخوشحال بوین پێکڤە کوم بوین".
بەرپرسێ مەلبەندێ سێ یێ یەکگرتوو گوت ژی "مەرەم ژ مێڤانداری و کومکرنا ئالیێن سیاسی ئەو بوو پتر لێکنێزیکبوونەک دناڤبەرا ھەمی ئالیان پەیدا بیت و مللەتێ مە ژی چاڤەرێی ئێک رێزی و لێکنێزیکبوونا ئالیێن سیاسی و چارەکرنا قەیرانا نە و سوپاس بۆ خودێ مە ل دهوکێ وەک ئالیێن سیاسی چ کێشە دگەل ئێک نینن".
بەرپرسێ مەلبەندێ سێ هیڤی خواز بوو د ئەڤ سالە دا ژ ڤان قەیرانا دەرباز بین و خۆ بەرهەڤ کەین بۆ ڤێ قوناخا پشتی رزگارکرنا مووسل و بدوماهی ئینانا داعش".