دهۆك - ئاراز حسێن
ئهڤرۆ رۆژا پێنچ شهمبى 24/11/2016 د خرڤهبوونهكێ دا لبهردهم مهلبهندێ سێ یێ یهكگرتووى ئیسلامێ كوردستان شههیدكرنا بانگخواز د.هوشیار ئیسماعیل هاته شهرمزاركرن ، و داخواز هاتهكرن ب زویترین دهم بكهرێن ڤێ كریارێ بهێنه دهستهسهركرن .
د خرڤهبوونێ دا هژمارهكا زۆر ژ كادر و ئهندامێن یهكگرتووێ ئیسلامێ كوردستان بهژداربوون و ب درویشمێن جودا ههڤخهمیا خوه ل سهر شههیدكرنا د.هوشیار دیاركرن .
ههروهسا د بهیاننامهیهكێ دا كو هاته خواندن ژلایێ د.محهمهد مستهفا بهرپرسێ مهلبهندێ سێ یێ یهكگرتووى ئیسلامێ كوردستانڤه . داخواز ژ حكوومهتا ههرێما كوردستانێ هاته كرن كو ب زویترین دهم بكهرێن ڤێ كریارا تیرورستى بهێنه دهستهسهركرن و بگههنه سزایێ خو یێ عادیلانه .