وەفدێكی ئەنجوومەنی سیاسی و جەماوەری یەكگرتووی ئیسلامیی كوردستان پێشوازی كرد لە وەفدێكی رێكخراوی ئێن دی ئای ئەمریكی و چه‌ند پرسێك تاوتوێ كرا.
ئەمرۆ وەفدێكی ئەنجوومەنی سیاسی و جەماوەری یەكگرتووی ئیسلامیی كوردستان كە پێكهاتبوو لە بەرێزان د. هادی علی سەرۆكی ئەنجوومەنی سیاسی و جەماوەری و مەغدید هورمزیار و شیرزاد مامە كارگێرانی دەزگای پەیوەندیەكان پێشوازیان كرد لە وەفدێكی رێكخراوی ئێن دی ئای ئەمریكی .
لە دیدارەكەدا باسی هاوئاهەنگی نێوان هەردوو لا كرا سەبارەت بە كاروچالاكیەكانی تایبەت بە پارتە سیاسیەكانی هەرێم لە بوارە جیاجیاكانی سیاسی و هەڵبژاردنە جۆراوجۆرەكان.
هەروەها وەفدی یەكگرتوو دیدی یەكگرتوویان بۆ وەفدی ناوبراو رۆشن كردەوە سەبارەت بە پرسە جۆراوجۆرەكانی گۆرەپانی سیاسی هەرێم و پرسی ریفراندۆم