ئەمڕۆ چوارشەممه 12ی ته‌موزی 2017، بەڕێزان د. هادی علی سەررۆکی ئەنجومەنی سیاسی و د. سه‌لاحه‌دین بابكر ئەندامی ئانجومەنی سیاسی و شێرزاد مامە ئەندامی دەزگای پەیوەندیە سیاسیەکان پێشوازیان کرد لە وەفدێکی سەفارەتی بەریتانیا لە عێراق،كه پێکهاتبوون لە بەڕێزان نیكولاس لاته جێگری سەفیری بەریتانیا لە عێراق و مارتن وار کونسولی گشتی بەریتانیا لە هەرێمی کوردستان لوسی سمیس بەرپرسی بەشی سیاسی لە کونسولخانەی بەریتانیا لە عێراق.
لە دیدارێکدا هەردولا سەبارەت بە پرسی ریفراندۆم بیروڕایان ئاڵوگۆڕ کرد و هاڕابوون کەوا مافی گەلی کوردە بڕیار لەسەر چارەنوسی خۆی بدات.
لەلایەن خۆیەوە د.هادی علی رایگەیاند: بۆ سەرکەوتنی ریفراندۆم پێویستە بنەمای یاسای هەبێت ئەویش بریتیە لە کاراکردنەوەی پەرلەمان و پشتگیری جەماوەری پێویستە بۆ ئەوەش پێویستە سیستمی پاشەکەوتی موچە کۆتایی پێ بهێنرێت و پێویستی بە یەکڕیزی نیشتیمانی هەیە ئەویش بە گفتوگۆی نێوان لایەنەکان و کۆدەنگی لەسەر پرسە چارەنوس سازەکانی گەلی کورد.