بسم الله الرحمن الرحيم
:((ذَلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ)) الحج /32
ب هەلكەفتا جەژنا قۆربانی یا پیرۆز ، ئەم ل ئەنجومەنێ كاروبارێت بانگەواز یا یەكگرتووی ئیسلامی كوردستان پیرۆزباهیێت خۆ ئاراستەی موسلمانێت جیهانێ ب گشتی و یێت كوردستانێ ب تایبەتی دكەین، هیڤی خوازین ئەڤ جەژنە ببیتە جەژنا ئاشتەوایی وبرایەتی وپێكڤەژیانێ.
خویشك و برایێن خوشتڤی:
جەژنا قوربانی یا ئەڤ سالە دهێت، ووەلاتێ مە لبەردەم دەرفەتێت مێژویی و دەلیڤەیێت وەرچەرخانەیە وبتایبەت پشتی سەركەفتن لسەر تیرورستێت داعش ورزگاركرنا ئاخا كوردستانێ‌وڤەگەراندنا هەمی ناوچەێت ڤەقەتیای بۆ سەر هەرێمێ، وهەروەسا دەستنیشانكرنا 25/9 بۆ ئەنجامدانا پروسەیا گشتپرسیێ ژبۆ سەربەخویا كوردستانێ وڤەدیتنا خەونا سەدان سالێت خەبات وقوربانیدانا خەلكێ كوردستانێ.
لەوما ئەم ل یەكگرتووی ئیسلامی كوردستان سەرەرای پشتەڤانیا مە یاتەمام بۆ ڤێ پێنگاڤا دیروكی، ئەم داكوكیێ لسەر وان هەمی بنەما وپێداویستیێت دبنە رێخوشكەر بۆ سەرئێخستنا ڤێ پروسێ دكەین، بتایبەت كاراكرنا پەرلەمانێ كوردستانێ وچارەسەركرنا قەیران وناكوكیێن سیاسی دناڤبەرا هێزو لایەنێن سیاسی یێن هەرێما كوردستانێ، وپاراستنا ئێكرێزیا نیشتیمانی وەك فاكتەرەكێ كاریگەر بۆ بەرسنگ گرتنا بەربەست وئاستەنگان وبدەستڤەئینانا ئارمانجان، هەروەسا خوشكرنا ژین وژیارا خەلكێ كوردستانێ وبتایبەت تەخا فەرمانبەرا بدەستكاریكرنا سیستەمێ پاشەكەوتكرنێ وچارەسەركرنا قەیرانا داراییو ئەنجامدانا چاكسازیەكا ریشەیی ل كوردستانێ.
هێژایان:
جەژنا قوربانیسونبولا قۆربانیدانێ یەوسیمایێ خزمەتوهاریكاریێ‌یە، لەوما پێتڤیە ئەم وەك خەلكێ بوسلمانێ كوردستانێ‌پێشوازیێ ل جەژنا پیروز بئەنجامدانا ڤان ئەركان بكەین:-
• هاریكاریا هەژار و كێم دەرامەتا وبتایبەتی خێزانێتشەهیدێتسەربەرزوپێشمەرگێت قارەمان.
• بهێزكرنا پەیوەندیێت جڤاكی،وجەژنێ بكەینە دەرفەت بۆ سەرەدان ولێكنێزیكبونا ئێك دوو وەك ئەركەكێ ئاینی وجڤاكی.
• پەیرەوكرنا ئیسلامێ د ژیانا خودا وەك پەیاما دلۆڤانی و مرۆڤایەتی و ئاشتیێ دویر ژ هەمی تێگەهێن توندرەو و بەروڤاژی وەك دوماهیك ئایەت ل رۆژا عەرفێ هاتیە خوار: (الْێوْمَ أَكْمَلْتُ ڵكُمْ دِینَكُمْ ۆأَتْمَمْتُ عَڵیْكُمْ نِعْمَتِی ۆرَچِیتُ ڵكُمُ الْإِسْڵامَ دِینًا ) المائدە/3.
ل دویماهیێ دوعا ژ خودایێ مەزن دخوازین مێهڤانێت مالا خودێ ژ خەلكێ كوردستانێ و هەمی جیهانێ ب سلامەتی وب نێزیكبوون ژ خودایێ مەزن و ب دەستڤەئینانا تەقوایێ، ڤەگەڕنە ناڤ كەس و كارێت خۆ و ڤێ جەژنێ بكەتە جەژنا پێكڤەژیان و تەبایی و سەركەفتنێن مەزن بۆ مللەتێ مە و ئێمناهیێ و سەقامگیریێ بۆ هەمی مللەتێن جیهانێ.
ئەنجومەنێ كاروبارێبانگەواز
یەكگرتووی ئیسلامی كوردستان