لەمیانەی سەردانی کردن و بەسەرکردنەوەی دەڤەرى گەرمیان دوانیوەڕۆى ئەمڕۆ پینج شەممە بەرواری 29/12/2016 ، مامۆستا سەلاحەدین محەمەد بەهائەدین ئەمینداری گشتی یەکگرتووی ئیسلامی کوردستان سەردانى مۆنۆمیًنتى ئەنفالى کرد لە ناحيەی رزگارى و رایگەیاند ئەنفال ناسنامەى کوردە و کەس و کارى ئەنفال کراوەکانیش کەمترین خزمەت کراون و بەرپرسانى هەرێم لەکاتى یادى ئەنفالدا بەدەیان بەڵێنى گەورەو بریقەدار دەدەن و کەم ترینى جێبەجێ دەکەن.
لە بەشیکى ترى وتەکانیدا ئەمینداری گشتی یەکگرتوو ئاماژەى بەوەدا باروگوزەرانى کەس و کارى ئەنفال کراوەکان لە هەموو کەس خراپ ترە ئەمەش جێى هەڵوێستە لەسەر کردنە و کەیسی ئەنفال و کیمیا بارانی هەڵەبجە کەسابەتى زۆرى پێوە کراوە.