ئەمرۆ دووشەممە لە شاری سلێمانی مامۆستا سەڵاحەددین موحەمەد بەهائەددین پێشوازیكرد لە بەرێز (مەهدی شوشتەری) سەركونسوڵی نوێی كۆماری ئیسلامی ئێران – سلێمانی.
لە دیدارێكدا كە نزیكەی كاتژمێرێكی خایاند هەردوولا تیشكیان خستە سەر بارودۆخی سیاسی و ئابوری كوردستان و عێراق و ناوچەكە بە گشتی.
لەو بارەیەوە جەختكرایەوە لەسەر گرنگی سەقامگیری ناوچەكەو رێكخستنی كەش و هەوای ئارامی و پێكەوە ژیان و پتەوكردنی ئەركی دراوسێیەتی و هەماهەنگی و هاوكاری هەردوولا.
هەروەها لە بەشێكی تری دیدارەكە بەرێز مامۆستا سەڵاحەددین موحەمەد بەهائەددین هیوای سەركەوتنی بۆ سەركونسوڵ خواست لە كاروبارەكانیدا كە بەشێوەیەك بتوانێت خزمەتی زیاتر بە هاوڵاتیانی شاری سلێمانی و دەوروبەری بكات و پەیوەندییە ئابوری و كۆمەڵایەتیەكانی هەرێم و كۆماری ئیسلامی بەرەو پێش ببات.