دوای شەهیدبوونی 4 هاوڵاتی لەناوچە سنوورییەكانی هەرێمی كوردستان بەهۆی بۆردومانەكانی توركیاوە، ئەمینداری گشتیی یەكگرتوو ڕایدەگەیەنێت: جێگای داخە مەرگەسات لە ناوچە سنوورییەكانی هەرێم ڕۆژانە چەندبارە دەبنەوە.
مامۆستا سەڵاحەددین موحەمەد بەهائەددین ئەمینداری گشتی یەكگرتووی ئیسلامی كوردستان لە تۆڕی كۆمەڵایەتی تویتەر نووسیویەتی:
(ئەو مەرگەساتەی ڕۆژانە لەناوچە سنوورییەكانی هەرێم چەند بارە دەبێتەوە، جێگای داخ و خەمێكی ئەخلاقی و نەتەوەییەو هەرگیز ڕەوانییە بە بێدەنگی – بەپاساوی هیچمان لەدەستنایە – تێیپەڕێنین، دەبێ هەڵوێستی بەرپرسانەمان ببێ، ڕاشكاوانە لەسەر هۆكارو پاساو و چارەسەر بوەستین، ئەگەری هەڵكشان هەیە !).