ئەمڕۆ یەك شەممە (م. سەڵاحەددین موحەمەد بەهائەددین) ئەمینداری گشتی یەكگرتووی ئیسلامی كوردستان بە یاوەری شاندێكی ئەنجوومەنی جێبەجێكردن و سەركردایەتی بەسەردانێكی چەند ڕۆژە گەیشتە بەغدا.
ئامانجی سەردانەكەی ئەمینداری گشتی یەكگرتوو دیدارە لەگەڵ سەرۆك كۆمارو سەرۆكی ئەنجوومەنی وەزیران و سەرۆكی پەرلەمان و حزب و لایەنە سیاسییەكانی عێراق بۆ بەهێزكردنی پەیوەندییەكان و باسكردن لە رەوشی عێراق و ناوچەكەو دوایین رووداو پەرەسەندنەكان.