ئێوارەی ئەمڕۆ لەشاری سلێمانی (م. سەڵاحەددین موحەمەد بەهائەددین) ئەمینداری گشتی یەكگرتوو پێشوازیكرد لە (ئارام قادر) سەرۆكی هاوپەیمانی نیشتمانی و ژمارەیەك لە ئەندامانی باڵای هاوپەیمانی نیشتمانی.
سەرەتای كۆبوونەوەكە هەردوولا تاوتوێی بارودۆخی سیاسی ناوچەكەو كوردستانیان كردو جەختیان كردەوە لەسەر گرنگی راگرتنی سەقامگیری سیاسی و پاراستنی ئارامی باری سیاسی هەرێم و نێوان لایەنە سیاسیەكان.
لەتەوەرەیەكی تری دانیشتنەكە جەخت لەسەر پەیوەندی هەردوولا كرایەوە.
شایەنی باسە هەریەكە لە (د.عومەر موحەمەد) و (م. موستەفا عەبدولڵا) ئەندامانی ئەنجوومەنی جێبەجێكردن و خوشكە (خەرمان موحەمەد) ئەندامی سەركردایەتی یەكگرتوو ئامادەی كۆبوونەوەكە بوون.