ئەمرۆ مامۆستا (سەڵاحەددین موحەمەد بەهائەددین) ئەمینداری گشتی یەكگرتووی ئیسلامی كوردستان پێشوازی كرد لە (بەڵێن عەبدولڵا و سەعد خالید) ئەندامانی دەستەی سەرۆكایەتی حزبی زەحمەتكێشانی كوردستان و ژمارەیەك لە ئەندامانی مەكتەبی سیاسی.
لەدیدارەكەدا هەردوولا تەئكیدیان كردەوە لەسەر بەردەوامی پەیوەندییەكانی نێوانیان و هاوڕابوون لەسەر ئەوەی كە پێویستە لایەنە پەیوەندیدارەكان خەمی جدی خەڵكی كوردستان بخۆن بۆ چارەسەركردنی كێشەكان و موچەو قوتی خەڵكی لەوە زیاتر دوانەكەوێت و هەرچی زووە پاشەكەوتی مووچە بەتەواوەتی لاببرێت و بگەڕێتەوە باری ئاسایی خۆی.
جێگەی ئاماژە پێدانە (د. سەڵاحەددین بابەكر) كارگێری ئەنجوومەنی جێبەجێكردن و (د. موحەمەد هاودیانی) بەرپرسی پەیوەندییەكانی یەكگرتوو ئامادەی دیدارەكە بوون.