(م. سەڵاحەددین موحەمەد بەهائەددین) ئەمینداری گشتی یەكگرتووی ئیسلامی كوردستان لەمیانەی پێشكەش كردنی وتەیەكیدا لەمەراسیمی رێزلێنان لە كادیرانی خاوەن خزمەتی چارەگە سەدەیەك لەریزەكانی یەكگرتووی ئیسلامی كوردستان لە شاری هەولێر رایگەیاند: یەكگرتووی ئیسلامی كوردستان هێزێكی ئۆپۆزسیۆنی ساحەی سیاسیە لەوقۆناغەدا، وتیشی : یەكگرتوو پەیامی ئیسڵاحی هەڵگرتووە، بەڵام یەكگرتوو فێر نیە بە موعانات و ماندوبوون و زەحمەتییەكانی خەڵكەوە كاسبی سیاسی و موزایەدە بكات.
(م. سەڵاحەددین موحەمەد بەهائەددین) ئەمینداری گشتی یەكگرتوو راشیگەیاند: یەكگرتوو خەڵكی كارو خەڵكی حاڵە نەك خەڵكی قال و حیكایەت و جنێوو قیژە قیژ.
ئەمینداری گشتی یەكگرتووی ئیسلامی كوردستان لەمەراسیمەكە باسی لەوەكرد، كە یەكگرتوو هێزێكی میانڕەوی سیاسیەو لە گەرمەی شەڕی ناوەخۆ یەكگرتوو ئیعلان كرا یەكگرتوو بوێرانە مەسەلەی دینداری و بیروباوەڕی حزبی لەیەك جیا كردەوە ئەوەی یەكگرتوو لەوكات دەیگوت ئێستا خەڵكی تر دەیڵێتەوەو شانازی پێوەدەكات.