(م. سەڵاحەددین موحەمەد بەهائەددین) ئەمینداری گشتی یەكگرتووی ئیسلامی كوردستان شاندێكی یاوەری بەسەردانێك گەیشتە زاخۆو لەلایەن (نەسرەدین سندی) ئەندامی سەركردایەتی و بەرپرس و كارگێرو ئەندامانی مەلبەندی (13) ی یەكگرتوو پێشوازی گەرمی لێكرا.
لەمیانەی سەردانەكەیدا بۆ مەڵبەندی (13) ی زاخۆی یەكگرتوو بەجیا كۆبۆوە لەگەڵ:-
- كابینەی مەڵبەندی زاخۆ
- ژمارەیەك گەنج و لاوان
- كۆبوونەوە لەگەڵ ژمارەیەكی بەرچاو لە كادیرو رێكخستنەكانی مەڵبەند
لەوتەیەكیدا بۆ كادیرو رێكخستنەكانی مەڵبەندی زاخۆ (م. سەڵاحەددین) ئەمینداری گشتی یەكگرتوو پیرۆزبایی (25) ساڵەی ڕاگەیاندنی یەكگرتووی ئیسلامی كوردستانی لەئامادەبووان كردو ڕایگەیاند: یەكگرتوو نەوەیەكی وەسەتیەت لە دینداری پێگەیاندووە، سەرەتا لە نێو كێشەو گرفتی ناوخۆو شەڕی برا كوژی یەكگرتوویەكی بەبێ چەك خۆی ئیعلان كرد، لەوكاتەی شەڕی ناوخۆبوو ئێمە باسی ئاشتەوایی و پێكەوە ژیان و كاری هاوبەشمان ئەكرد، ڕاگەیاندنی یەكگرتوو وەكو حزبێك بڕیارێكی بەهێز بوو ئێستاش دوای بیست و پێنج ساڵ وەكو ئەو ڕۆژەی كە یەكگرتوو دروست بووە ساحەی كوردستان پێویستی بە هێزێكی وەكو یەكگرتووە.
ئەمینداری گشتی یەكگرتوو: ئەو گەلەكۆمەو فێڵ و تەزویرانەی لە یەكگرتوو دەكرێ ساردمان ناكاتەوە لە خزمەتكردن و پەروەردەكردنی تاك لە كۆمەڵگە ئێمە بۆ خوا لەخۆ رازی كردن خزمەتی كۆمەڵگاكەمان دەكەین.
لەكۆتاییدا ئامادەبوان خۆشحاڵی خۆیان بەسەردان و بەسەركردنەوەكانی بەرێزیان دەڕبری و بەپرسیارو پەیمانی بەردەوامیان بۆ كاروانی پڕ شكۆی یەكگرتووی ئیسلامی كوردستان دووپات كردەوە.