ئەمینداری گشتی یەکگرتووی ئیسلامی كوردستان بەبۆنەی كۆچی دوای سێوان قادرو سێ منداڵكەیەوە بە رووداوی ئاگر پرسەنامەیك ئاراستەی بنەماڵەی ناوبراو دەكات كەئەمەش دەقەكەیەتی.
.
بسم الله الرحمن الرحیم
کُلُ مَنْ عَلیْهَا فَانٍ ویبْقَی وجْهُ رَبِکَ ذو الْجَلالِ والاِکْرَامِ
بۆ بەرێزان / کاک حاجی قادر
کاک حاجی مەجید
السلام علیکم ورحمە الله وبرکاتە
بەبۆنەی کارەساتی دڵتەزێنی سوتانی دادە سێوان و منداڵەکانی ..
لە ناخی دڵمانەوە هاوغەمی و پرسە و سەرەخۆشی تان پێشکەش دەکەین و لە خوای میهرەبان داوای لێ خۆشبوون بۆ دادە سێوان و بەهەشتی بەرینیان بۆ دەخوازین.
هەروەک بۆ ئێوەی بنەماڵە و کەس و کار و خزمانی هەردوولا داوای خۆڕاگری و ئەجری فراوان ئەکەم ..
لەم جۆرە کارەساتانەدا دەبێ هۆشیاربین لە سنوری چارەسەر دەرنەچێ و بە خۆڕاگری و گیانی دۆستایەتی و خزمایەتی مامەڵە بکرێ و ئەنجامی کۆتایی بۆ یاسا و دادگا بەجێ بهێڵرێ و رێگە بگیرێ لە پشێوی کۆمەڵایەتی و رووداوی خراپتر ..
إِنَا لِلهِ وإِنَا إِلیْهِ رَاجِعونَ
براتان
صلاح الدین محمد بها‌والدین
ئەمینداری گشتی یەکگرتووی ئیسلامی کوردستان
24/12/2018