ئەمینداری گشتی یەکگرتوو رایدهگهیهنێت مام جەلال کەسایەتیەکبوو نەک تەنها گەلی کورد بەڵکو لای هەموو گەلانی عێراق و ئازادی خوازان خۆشەویست بوو
سەر لە بەیانی ئەمرۆ پێنج شەمە 5-10-2017 بەرێز مامۆستا صلاح الدین محمد بهاءالدین بە یاوەری ژمارەیەک لە ئەندامانی ئەنجومەنی جێبەجێکردن و سەرکردایەتی راوێژکاران بەشداریکرد له پرسەی بەرێز مام جەلال سکرتێری گشتی یەکێتی نیشتمانی کوردستان كه لەلایەن کاک کۆسرەت رەسوڵ جێگری سکرتێری گشتی و ژمارەیەک لە ئەندامانی مەکتەبی سیاسی یەکێتی پێشوازی لێکرا.
ئەمینداری گشتی یەکگرتوو هاو غەمی خۆی و سەرکردایەتی یەکگرتوی گەیاندە جێگری سکرتێری گشتی و مەکتەبی سیاسی و ئەندامان و لایەنگرانی یەکێتی نیشتمانی کوردستان پاشان لەمیانەی کۆنگرەیهکی رۆژنامەوانی دا مامۆستا صڵاح الدین محمد بهاءالدین رایگەیاند مام جەلال کەسایەتیەکبوو نەک تەنها گەلی کورد بەڵکو لای هەموو گەلانی عێراق و ئازادی خوازان خۆشەویست بوو هەروەها جەغتیشکردەوە ستراتیج و کاری حەکیمانەی مام جەلال هەوێنی ئاشتی و پێکەوە ژیانی نێوان نەتەوەو پێکهاتەکانی عێراق بە گشتی و کوردستان بەتایبەتی بوو.
ئەمینداری گشتی یەکگرتوو ئاماژەی بەوەشدا لەدەستدانی مام جەلال کۆستکی گەورەیە بۆ هەموو پێکهاتە و لایەن و کەسایەتیە سیاسیەکان عێراق بەگشتی و کوردستان بەتایبەتی وه راشیگهیاند هیوادارم ئەم کۆستە بێتە هۆی چارەسەری کێشە و گرفتەکان لە عێراق و کوردستان.