شاندێکی یەکگرتوی ئیسلامی کوردستان پێشوازیان کرد لە وەفدێکی پارتی گەشەپێدانی تورکمان.
ئەمرۆ شەممە7 ی ئابی 2021 شاندێکی یەکگرتوی ئیسلامی کوردستان کەپێک هاتبوو لەبەرێزان سەیدا خلیل ئیبراهیم بەرپرسی ئەنجومەنی حکومەت وپەرلەمان و د. سەڵاحەددین بابکر کارگێری ئەنجومەنی جێبەجێکردن و د. محمد قادرهاودیانی بەرپرسی پەیوەندیەکان و محمد دارەتویی کارگێری پەیوەندیەکان، پێشوازیان کرد لە وەفدێکی پارتی گەشەپێدانی تورکمان کەپێک هاتبوو لەبەرێزان محمد ئیلخانلی سەرۆکی پارت و نیازی رمزی و ئیبراهیم عزەت ئەندامانی مەکتەبی سیاسی پارت.
له كۆبونه‌وه‌كه‌دا باس لە پەیوەندیەکانی نێوان هەردولا و مافی پێکهاتە نەتەویی وئاینیەکان کرا لەکوردستان.
باس له‌وه‌ش كراوه،یەکگرتوو هەمیشە لەگەڵ مافی پێکهاتە ئاینی و نەتەوەیەکانە لەکوردستان، دەخوازێت ئەو مافە بەدەستوری بکرێ لەچوارچێوەی دەستوری ئایندەی هەرێم، یەکگرتو خۆی بەداکۆکیکاری مافی نەتەوەوئاینزاکان دەزانێت.