دوای نیوەرۆی ئەمڕۆ دوو شەممە 13-11-2023، بەڕێز مامۆستا صلاح الدین محمد بهاءالدین ئەمینداری گشتی یەكگرتووی ئیسلامیی كوردستان لەبارەگای تایبەتی خۆی لەشاری هەولێر بەئامادەبونی د. محەممەد هاودیانی بەرپرسی پەیوەندیەكانی یەكگرتوو پێشوازی لەبەڕێز ( ئایدن معروف ) ئەندامی مەکتەبی سیاسی و بەرپرسی مەکتەبی بەرەی تورکمانی لە هەرێمی کوردستان و شاندێكی یاوەری كرد .
لە دیدارەكەدا بارودۆخی هەرێمی كوردستان و عێراق و ناوچەكە گفتوگۆی لە بارەوە كرا، و تەئكید لە چارەسەركردنی كێشەكان نێوان و هەرێم و بەغدا كرایەوە.
لە تەوەرەیەكی تردا باس لە پرۆسەی هەڵبژاردنی پەرلەمانی كوردستان و رێكارە یاسایی یەكانی كرا ، و هەردوولا جەختیان كردەوە لە زەرورەتی ئەنجامدانی پرۆسەكە بە نەزاهەت و عەدالەت و پاراستنی مافی هەموو پێكهاتەو لایەن و هاوڵاتیان.