مەڵبەندی سێی یەكگرتووی ئیسلامی كوردستان لە دهۆك پەیامێكی لەسەر ڤایرۆسی كۆرۆنا بڵاوكردەوەو داوا لە هاوڵاتیان دەكات سەرجەم ڕێگەكانی خۆپارێزی لە ڤایرۆسەكە بگرنەبەر.
دەقی ڕاگەیەندراوە:
بسم الله الرحمن الرحيم
((ؤلَنَبْلُؤنَّكُمْ بِشَيْ‌وٍ مِنَ الْخَوْفِ ؤالْجُوعِ ؤنَقْصٍ مِنَ الْأَمْؤالِ ؤالْأَنْفُسِ ؤالثَّمَرَاتِ ۗ ؤبَشِّرِ الصَّابِرِينَ))
ل دەمەكی دا كۆ مرۆڤایەتی بەرەڤ كارەساتەكا مەزن دچیت ژ ئەگەرێ بەلاڤبوونا ڤایرۆسێ (كورونایێ) كۆ ئەنجامێن وێ د مەترسیدارن ل سەر هەمی جیهانێ ، و پارێزگەها دهوكێ وەكی هەمی باژێرێن مرۆڤ تێدا دژین دكەڤیتە بەر وێ پێلا بلەزا بەلاڤبوونا ڤی ڤایروسێ كۆژەك ،و سوپاس بۆ خودێ كو تانوكە چ توشبویی ل پارێزگەها دهوكێ نەهاتینە توماركرن، ئەڤ چەندە ژی ب ئەگەرێ پابەندبونا وەلاتییان ب رێنمایێن ساخلەمیێ و ئەو پێرابونێن ژلایێ ژۆرا ئۆپەراسیونا ل پارێزگەها دهوكێ هاتینە ئەنجام دان كۆ جهێ دەست خوشی و رێزگرتنێ نە،هەروەسا سوپاسیا مامۆستایێن ئاینی و كارمەندێن ساخلەمیێ و هێزێن ئەولەهیێ و دەزگەهێن راگەهاندنێ و كەسایەتی و سەرمایەدارێن پارێزگەها دهۆكێ كو د ڤێ قەیرانا مرۆڤی دا رولەكێ مرۆڤ دوستی گێرایە بەر.
ب فەر دزانین كۆ وەلاتی زێدەتر د پابەندبن ب رێنمایان ژبۆ پاراستنا ساخلەمیا خۆ و ل دەمێ قەدەغەیا هاتن و چونێ و دگەل لایەنێن پەیوەندیدار د هاریكاربن بۆ وێ چەندێ باژێرێ مە ب سلامەتی ژ ڤێ كارەساتا مرۆڤایەتی دەربازببیت.
ئەم وەك مەلبەندێ سێ یێ یەكگرتوویی ئیسلامی كوردستان دووپات دكەین ئامادەبوونا خۆ بۆ هەر ئەركەكێ ب مە بهێتە راسپاردن مل ب ملێ ژۆرا ئۆپراسیوونا بەرهنگاربوونا ڤایرۆسێ كرونایێ .
داخواز ژ خودایێ مەزن دكەین كۆ ڤێ بەلایێ ب سەر هەمی جیهانێ ب گشتی و وەلاتێ مە ب تایبەتی ب زویترین دەم ب دووماهیك بهێت و ژیان ب زڤریتە رەوشا ئاسایی یا جاران.
یەكگرتووی ئیسلامی كوردستان