له‌سه‌ر روداوه‌كه‌ی باڵه‌كایه‌تی مه‌ڵبه‌ندی 12ی سۆرانی یەكگرتووی ئیسلامی كوردستان به‌یاننامه‌یه‌كی ده‌ركردو تیایدا داواده‌كات تاوانباران بە سزای عادیلانە بگەیندرێن و دۆخەكه ئاسایی بكرێتەوە و بارەگاو بنكە حزبیەكان دوور بخرێنەوە لە ناوچەكە.
ده‌قی به‌یاننامه‌كه:
بەیاننامەی مەڵبەندی 12ی سۆرانی یەكگرتووی ئیسلامی كوردستان سەبارەت بە رووداوەكەی گوندی (گوندەژۆر)ی باڵه‌كایەتی:
بەناوی خوای گەورەو میهره‌بان
بەداخەوە چەندین جارە كە دەڤەری باڵه‌كایەتی توشی ئەزیەت و نارەحەتی دەبێت و خەڵكی ئەم دەڤەرە ناتوانن بە ئازادی و ئارامی سوود لە گوندو ناوچەكانیان وەرگرن كە دواهەمین ڕووداویش لە ڕۆژی 25/8/2017 لە گوندی گوندەژۆر رویداو كە دوو هاولاتی یەك خانەوادەی ئەم گوندە شهید كران و چەند كەسێكی تریش بریندار بوون لەسەردەستی چەكدارانی حزبی كۆمەلەی شۆرشگێری زەحمەتكێشانی كوردستانی ئێران ، بۆیە داوادەكەین تاوانباران بە سزای عادیلانە بگەیندریِن و دۆخەكه ئاسایی بكرێتەوە و بارەگاو بنكە حزبیەكان دوور بخرێنەوە لە ناوچەكە بۆ ئەوەی خەڵكی ئەم ناوچەیە بە ئاسودەیی ژیانی خۆیان بەسەر ببەن.
مەڵبەندی 12ی سۆرانی یەكگرتووی ئیسلامی كوردستان
26/8/2017