هەواڵ و چالاکی فراکسیۆنەکان

بەیاننامەیەك ژ فراکسیونا یەکگرتوو ل جڤاتا نوینەرێن عێراقێ لبارا قوربانیێن دەریایا ئیجە

بەیاننامەیەك ژ فراکسیونا یەکگرتوو ل جڤاتا نوینەرێن عێراقێ لبارا قوربانیێن دەریایا ئیجە

 

 

ئەڤا لخوارێ ژی دەقێ وێیە ..

بناڤێ خودێ مەزن و دلوڤان
(( کل نفس ذائقة الموت ))

جارەکا دیتر ب خەم و کوڤانەکا مەزنڤە قەفتەکا دیتر یا گەنج و زارۆک و وەڵاتیێن هەرێما

کوردستانێ و بتایبەت ڤێ جارێ یێن دەڤەرا بادینان بوونە قوربانیێن دەریایا ئیجە ، ژ ئەنجامێ ئاوارەبوون و ڕەڤین ژ کۆمەکا قەیران و گەندەڵ و حکومڕانیا لەنگ یا هەرێم تووشبوویێ کو ئاخ و ناخ و مڕۆڤ یێن لبەر وەڵاتیان رەشکرین ..
ژ ناخێ دلێ خۆ پرسە و سەرەخووشیێن خۆ ئاراستەی کەس و کارێن قوربانیان دکەین ، ژ خودایێ مەزن دخازین ب بەهاشتا بەرین شاد بکەن و صەبر و هەدارێ بدەتە کەس و کارێن وان و بکەتە دوماهیک کارەسات بیت ب سەرێ خەلکێ کوردستانێ بێت ..

خویشك و برایێن ڕێزدار ..
گەنج و زارۆك ل هەمی وەڵات و حکومەتاندا سیمایێ هێزێنە ، هێڤێنێ سەرکەفتن و پێشڤەچوونێنە لێ بتنێ ل وەڵاتێ مە ئەڤ گولێن گەش یێن چرمساندین و بێ هیڤی کرین و ژ کارئێخستین و پشتگوهـ هاڤێتین و دەربەدەرکرین و بێ داهات و بێ پاشەڕۆژکرین و دلێ وان یێ ژ ئاڤ و ئاخ و ناخێ وەڵاتی ڕەشکرین .. تاکە ڕێك زڤڕاندنا ڤان هەمیان و ب دوماهیک ئینانا ڤان جۆرە قەیرانان و ڕێگرتن ژ کوچکرنا ژ وەڵاتی ..

ئەم ل فراکسیونا یەکگرتوو ل جڤاتا نوینەرێن عێراقێ ڤان خاڵان ددەینە دیارکرن:-
۱- دوماهی ئینان ب حکومڕانیا لەنگ و حزبی،
۲- کۆنترۆلکرنا سەروەت و سامانێ هەرێما کوردستانێ زڤراندن بۆ خزینا هەرێمێ.
۳- ڕێگرتن ژ دزێ سیاسی و ئیداری و گەندەڵیێ.
٤- دوماهی ئینانا بندەستکرن و قۆرخکاریا کاری ژلایێ هندەك و حزبانڤە.
٥- کارکرن بۆ دابینکرنا دەلیڤەیێن کاری و پشتەڤانیا کەرتێ تایبەت ..

و دووبارە ژ خودایێ مەزن و دلوڤان دخوازین ئەڤە دوماهیك نەخۆشی بیت و صەبر و ئارامیێ بدەتە ماڵباتێن قوربانیان ..

انا لله و انا الیه راجعون

برایێ هەوە د. جمال کوچر
فراکسیونا یەکگرتوو ل جڤاتا نوینەرێن عێراقێ
۲۰۱۸/۱۰/۱۳