كاتژمێر (10)ی سەرلەبەیانی ئەمڕۆ یەك شەممە ( 16/12/2018) وەفدێكی باڵای یەكگرتووی ئیسلامی كوردستان كە پێكهاتبوو لەبەڕێزان د.هادی علی سەرۆكی ئەنجومەنی سەركردایەتی و م.سمیرسلیم و د.صلاح الدین بابكر كارگێرانی ئەنجومەنی جێبەجێكردن و د.شێركۆ جودەت ئەندامی سەركردایەتی و سەرۆكی فراكسیۆنی یەكگرتوو لە پەرلەمانی كوردستان سەردانی مەكتەبی سیاسی بزوتنەوەی ئیسلامی كوردستانیان لە هەولێر كرد و بەگەرمی لەلایەن بەرێزان مامۆستا شێخ عیرفان علی عبدالعزیز رابەری گشتی بزوتنەوە ودكتۆر عبدالله وەرتی و مامۆستا احمد گەرمیانی ئەندامانی مەكتەبی سیاسی و مامۆستا كەمال زراری ئەندامی سەركردایەتی پێشوازیان لێكرا .
لەكۆبونەوەیەكدا كە زیاتر لە كاتژمێرێكی خایاند باسی لە بارۆدۆخی سیاسی هەرێم و عیراق و ناوچەكە كرا و گۆڕانكاری و پێشهاتەكان گفتۆگۆیان لەسەر كرا , لەبەشێكی دیكەی كۆبوونەكەدا جەختكرایەوە لەسەر پەرەپێدان و بەرەو پێشبردنی پەیوەندیەكانی نێوان هەردوو لا و درێژەدان بە پرۆژەی هاوبەشی كاری ئیسلامی .