سهروكێ سهركردایهتیا یهكگرتوو داخواز ژ وهلاتیان دكهت سهرهدانا بنگههێن نوی كرنا تومارا دهنگدهران بكهن
ب مهرهما دلنیابون و توماركرنا ناڤێ خو د تومارا دهنگدهران دا بهری نیڤرویا ئهڤرو روژا سێشهمبی 7/8/2018 ماموستا سهعید عهلی عهبو سهروكێ ئهنجومهنێ سهركردایهتیا یهكگرتوویی ئیسلامی كوردستان سهرهدانا بنگههێ شالین یێ نویكرنا تومارا دهنگدهران كر و دكونگرهیهكێ روژنامهڤانی دا داخواز ژ وهلاتیان كر كو بهژداریێ د ڤێ پروسێ دا بكهن و سهرهدانا بنگههێن نویكرنا تومارا دهنگدهران بكهن بو وێ چهندێ كو مافێ وان نههێته بهرزهكرن و بشێن بهژداریێ د پروسهیا دهنگدانێ دابكهن ل ههلبژارتنێن پهرلهمانێ كوردستانێ دا و نوینهرێن خو بههلبژێرن بو چوار سالێن بهێت و بهژداریا وهلاتیان دێ بیته ئهگهر كو رێگری لسهختهكاریان بهێته گرتن.
ل بارا پاشئێخستنا ههلبژارتنان سهروكێ سهركردایهتیا یهكگرتوو دیاركر كو یهكگرتوویی ئیسلامی كوردستان دگهل وێ چهندێ یه ههلبژارتن ددهمێ خویێ دیاركر دا بهێنه ئهنجامدان و نههێنه پاشئێخستن و یهكگرتوو ههمی بهرههڤی كرینه بباشی بو هندێ كو بهژداریێ د ههلبژارتنان دا بكهن.
دبهردهوامیا گوتنێن خودا و دبهرسڤا پرسیارێن روژانهماڤانان سهبارهت ب دهرئهنجامێن ههلبژارتنێن پهرلهمانێ عیراقێ و ههلویستێ لایهنێن نهرازی د نوكهدا سهروكێ سهركردایهتیا یهكگرتوو دیاركركو ههمی لایهنێن سیاسی یێن كوردی گلهیی لسهر پروسهیا ههلبژارتنێن پهرلهمانێ عیراقێ ههبون كو سهختهكاری هاتبونه ئهنجام دان و پتریا وان سكالا لسهر پروسێ توماركرن بون و وان وهك لایهنێن نهرازی تانوكه ژی ههما ههنگی دگهل ئێك ههیه و پێكڤه سكالایان توماردكهن و ژبو وێ چهندێ كو دوماهیك بریار بهێته دان ههمی پێكڤهدێ كومبون و ههلویستێ خو راگههینن.