وەفدێكی باڵای یەكگرتووی ئیسلامیی كوردستان بە بۆنەی ساڵیادی دامەزراندنی رێكخراوەكەیانەوە سەردانی یەكێتی زانایانی ئایینی ئیسلامیی كوردستان ده‌كات .
سەر لە بەیانی ئەمڕۆ پێنج شەممە 21/9/2017 وەفدێكی باڵای یەكگرتووی ئیسلامیی كوردستان بە سەرپەرشتی بەڕێز (د. هادی علی) بەرپرسی ئەنجومەنی سیاسی و بەڕێزان (م. فرهاد ملا صالح) كارگێری ئەنجومەنی جێەبەجێكردن و (م. ملا انور خۆشناو) و (م. ملا ادریس كریم) راوێژكارانی ئەمینداری گشتی سەردانی یەكێتی زانایانی ئایینی ئیسلامیی كوردستانیان كرد بە بۆنەی ساڵیادی دامەزراندنی رێكخراوەكەیانەوەو لە لایەن بەڕێزان (م. ملا عبدالله سعید ویسی) سەرۆكی یەكێتی زانایان و جێگرو ئەندامانی مەكتەبی تەنفیزی بە گەرمی پێشوازیان لێكرا.
وەفدی یەكگرتوو پیرۆزبایی خۆیان ئاڕاستەكردن و ئاماژەیان دا بە رۆڵی یەكێتیی زانایان هەر لە سەرەتای دامەزراندنیەوە كە هاوكاتە لەگەڵ سەری ساڵی كۆچی پێغەمبەر (سەلات و سەلامی خوای لە سەر بێت) و هیوایان خواست زانایان رۆڵی شایستەی خۆیان بگێرن لە سەر ئاستی كۆمەڵایەتی و ڕۆشنبیری و هۆشیاری و نیشتمانی و بەهێزكردنی گیانی بە یەكەوەبوون.