هەواڵ و چالاکی ئەنجومەنەکان

ئەنجوومەنی بانگەوازی یەكگرتوو پەیامێك بەبۆنەی سەری ساڵی نوێی كۆچی بڵاودەكاتەوە

ئەنجوومەنی بانگەوازی یەكگرتوو پەیامێك بەبۆنەی سەری ساڵی نوێی كۆچی بڵاودەكاتەوە

 

بسم الله الرحمن الرحيم ثةياما سةرسالا مشةختى قال تعالى (وَالَّذِينَ تَبَوَّءُوا الدَّارَ وَالْإِيمَانَ مِنْ قَبْلِهِمْ يُحِبُّونَ مَنْ هَاجَرَ إِلَيْهِمْ) الحشر 9


بهەلكەفتا سەر سالا نوی یامشەختی 1439 جوانترین پیروزباهیێن خۆ پێشكێشی تەڤایا بوسلمانێت جیهانی و كوردستانێ ب تایبەتی دكەین، هیڤیدارین ببیتە سالا خێر وخوشی وسەرفەرازیێ بو مللەتێ مە وگشت بوسلمانێت جیهانێ.
هێژایان مشەختبونا پێغەمبەری سلاڤێت خودێ لسەر بن بریارەكا گرنگ و وەرچەرخانەبو دمێژویا ئیسلامێدا ، ئارمانج تێدا رزگاركرنا ئیمانێ وبهایێت پیروزێت ئیسلامێ ژجاهلیەت وسالوخەتێن وێ بۆ ورزگاركرنا تاكێ بوسلمان بۆ ژ بندەستی ووزورداریێ، ودەربازبونا بوسلمانان ژ قوناغا هەلگرتنا بها وهزر وبیران بەرەف قوناغا جێبەجێكرن وئاڤاكرنا كومەلگەهەكێ بوسلمان ودەولەتێ لسەر بنەمایێ داد وەكهەڤی وهاوەلاتیبونێ.
مشەختبوون نیشانا دوربینی وبیرمەنداتی وشارەزاریا پێغەمبەری بۆ سلاڤێت خودێ لسەر بن وهەڤالێت دگەلدا، هەروەسا نیشانا دلسوزی ووەفاداریێ بۆ دگەل وان بیرو بهایێن پێغەمبەری سلاڤێت خودی لێ بن بانگەوازی بۆ دكر، خویشك وبرایێت رێزدار سەرسالا مشەختی دهێت ددەمەكیدا خەلكێ مە لكوردستانێ بەرامبەر گەلەك دەرفەت ودەلیڤێن مەزنە ژبۆ دوماهیك ئینان بوێ ستەم وزورداریا مێژویی ل مللەتی مە هاتیە كرن، بتایبەت دەڤەر بشێوەیەكێ گشتی، بەرەف گوهورین ونەخشەیەكێ تازە دچیت لەوما پێدڤیە ئەم وەك خەلكێ كوردستانێ بنازكی وبهەستكرن ب بەپرساتیێ رەفتارێ دگەل ڤێ قویناغێ بكەین وبزاڤێ بكەین ئایندەكێ چاكتر وباشتر بۆ مللەتێ خۆ ئاڤابكەین وهەمی ئاستەنگ وبەربەست وگرفت وقەیرانا چارەسەربكەین، وئێك رێزیا نیشتمانی بپارێزین. هێژایان مشەختبون وپەیاما ئیسلامێ یا پری رامان وانەیێت گرنگە لەوما پێتڤیە مفا ژێ وەربگرین وەك قوربانیدان ژبۆ بهایێت پیروز، وحەژێكرنا خەلك وخاك ووەلاتی، ورێزگرتن ل مروڤایەتی وپێكڤەژیانێ، وبەرجەستەكرنا برایەتی وئازادی ودادپەروەریێ درێڤەبرنا كومەلگەه ودەولەتێدا، وڤان بها وسالوخەتا بكەینە بەرێ بنیاتێ وشەنگستێ ئاڤاكرنا دەولەتا كوردستانێ. لدوماهیێ دووبارە پیروزباهیان ل خەلكێ كورستانێ وهەمی بوسلمانێت جیهانێ دەكین بڤێ هەلكەفتێ وهیڤیا سەركەفتنێَن مەزن بۆ مللەتێ مە


یەكگرتووی ئیسلامی كوردستان
ئەنجومەنێ كاروبارێ بانگەواز