ئەمڕۆ سێ شەممە 8ی ئابی 2017، بەڕێزان د. صلاح الدین بابکر ئەندامی ئەنجومەنی سیاسی و شێرزاد مامە ئهندامی دەزگای پەیوەندیە سیاسییەکان سەردانی حزبی سوسیالیست دیموکراتی کوردستانیان کرد.
وەفدی یەکگرتوو پیرۆبایی 41 کەمین ساڵیادی دەمەزراندنی حزبی سوسیالیستیان پێ گەیاندن وهیوایان خواست هەردەم بۆ خزمەتکردنی کوردستان و پێکەوەژیان و تەبایی بەردەوام بن و کوردستان و ناوچەی رۆژهەڵاتی ناوەڕاست لەبەردەم گۆڕانکاری و قۆناغێکی هەستیاردایە، یەک دەنگی لایەنە سیاسیەکان و یەکخستنەوەی نێوماڵی سیاسی کورد تاکە رێگایە زامنی تەواوی مافە نەتەوەیی و نیشتیمانیەکانی گەلی کوردمان دەستەبەر دەکات.