ئەمینداری گشتی یەكگرتووی ئیسلامیی كوردستان رایدەگەیەنێت سەحابەکان زۆرباڵاترن لەوەی سوکایەتی کەسە قەزەمەکان بیانگاتێ.
مامۆستا (سەڵاحەددین موحەمەد بەهائەددین) ئەمینداری گشتی یەكگرتووی ئیسلامی كوردستان لە تۆری كۆمەلایەتی تویتەر رایگەیاند :"سەحابەکان زۆرباڵاترن لەوەی سوکایەتی کەسە قەزەمەکان بیانگاتێ".
ئەمینداری گشتی یەكگرتوو راشیگەیاند : "ئەوەهەناسەی نەیارانی دۆڕاوی ئەهلی ئیسلامە وئەبێ ژیرو ئاوەزدارەکان لەهەموو لایەنەکان ڕێگری بکەن لەم پیلانی تێکدانە ونەفرەت لەوئاستە نزمەلەتێگەیشتنی ئیسلام و لەیەکڕیزی موسڵمانان".
ئەوەشی نوسیوە :"سەلام ودروودبۆ پێغەمبەر وئال‌وهاوڕێکانی" .
ئەمەش دوای ئەوەدێت كە 12ی ئەم مانگە باسم کەربەلائی، یەکێک لە بەناوبانگترین سرودبێژی شیعەکانی عێراق کە دەنگ و سرودەکانی ئەو بە سەدان ملیۆن کەس گوێی لێدەگرن، ڤیدیۆیەکی بڵاوکرایەوە کە هۆنراوەیەک دەخوێنێتەوە و ئەوەش سوننەکانی عێراق و وڵاتانی عەرەبی نیگەران کرد و تۆمەتباری دەکەن بەوەی "سوکایەتی بە هاوەڵانی پێغەمبەر کردوە و وەک باندی تاوانکاری" ناویان دەبات.
لای خۆیەوە لیژنەی ئەوقاف و کاروباری ئاینیی لە پەرلەمانی عێراقیش رایگەیاند، دیوانی وەقفی شیعیی دەبێت بە زویی دەستوەردان لەو بابەتەدا بکات و رێگری بکات لەو "دەستدرێژییە بۆسەر هاوەڵانی پێغەمبەر د.خ"، بەجۆرێک رێگەنەدات دابەشبون و ناکۆکی مەزهەبی قوڵترببێتەوە.
لەلایەكی دیكەوە یەكێتی جیهانیی زانایانی موسڵمان، لە راگەیەنراوێكدا فەتوای دا كە تاوانی نەفرەتكردن لە هاوەڵان و درۆهەڵبەستن و تۆمەت دانەپاڵ دایكانی باوەڕداران، حوكمی كوفر و فاسیقی و یاخیبوون و پارچە پارچەكردنی ئوممەتی ئیسلامی هەیە.