لە درێژەی سەردانەكانی بۆ دەڤەری بادینان بەرێز مامۆستا (سەڵاحەددین موحەمەد بەهائەددین) ئەمینداری گشتی یەكگرتووی ئیسلامی كوردستان بە یاوەری ژمارەیەك لە ئەندامانی ئەنجوومەنی جێبەجێكردن و سەركردایەتی لە شاری دهۆك بە مەبەستی هەواڵپرسین لە تەندروستیان سەردانی مامۆستا (موحەمەد سدیق) ناسراو بە (ئەبو زەید) ئەندامی شورای یەكگرتوو كرد.
ئەمینداری گشتی یەكگرتوو ئاماژەی بە خزمەتەكانی كردو رایگەیاند، هەموان قەرزاری بەخشین و خەمخۆری پەروەردەو دەعوەی مامۆستا ئەبو زەیدین لە بادینان و لەخوای گەورە داوای شیفای خێرو زوو چاكبوونەوەی بۆ دەخوازین.