لە میانەی پێشوازی كردنی لە شاندێكی باڵای بزوتنەوەی گۆڕان لە شاری سلێمانی ئەمینداری گشتی یەكگرتوو جەغتی كردەوە پێویستە سەرجەم لایەنە سیاسیەكانی هەرێمی كوردستان لە هەموو كات زیارتر دەرك بە بارودۆخەكە بكەن و هیچ لایەنێك قسە لەسەر بردنەوە یان دۆڕاندن نەكات و بچنە ژێر باری بەرپرسیارێتی و داخوازییەكانی خەڵك لە بەرچاو بگرن .
ئەمڕۆ سێ شەممە بەرواری 29/11/2016، لە میانەی پێشوازی كرد لە شاندی باڵای بزوتنەوەی گۆڕان، مامۆستا سەڵاحەیدن محمد بەهائەدین ئەمینداری گشتی یەكگرتوو ڕایگەیاند: هاوڵاتیانی هەرێمی كوردستان بوون بەقوریانی ململانێی نێوان لایەنە سیاسیەكان، هاوڵاتیان چیتر توانای چاوەڕانیان نەماوە و پێویستە لایەنەكان ناكۆكیەكانیان وەلا بنێن و دەرەچەیەك بۆ چارەسەری كێشە سیاسی و داراییەكانیش بدۆزرێتەوە.
لەبەرامبەردا شاندی ببزوتنەوەی گۆڕان جەختیانكردەوە لە ئامادەیی خۆیان بۆ چارەسەركردنی كێشەكان و بەشداری كۆبونەوەی نێوان لایەنەكان لەپێناو چارەسەركردنی قەیرانەكان و ڕونیشیان كردەوە كە بۆ گەیەیشتن بەڕێككەوتن و چارەسەری گرفتەكانیش ئامادەی هاوكاری كردنن.
جێی ئاماژە بۆ كردنەوە شاندی بزوتنەوەی گۆران پێكهاتبوو لە عومەر سەید عەلی و جەلال جەوهەر و شۆرش حاجی و د.هەڤاڵ ئەبوبەكر ، لەلایەن یەكگرتوو ئیسلامی كوردستانیشەوە د.عومەر محمەد و موستەفا عەبدوالله ئەندامانی جێبەجێكردن و د.موحەمەد ئەحمەد ئەندامی سەركردایەتی ئامادەی كۆبونەوەكە بوون ..